شۆخێكى هۆليوود ره‌گه‌زى خۆى ده‌گۆڕێت

وێنه‌يه‌كى خۆى له‌ شێوه‌ى پياوێكدا كه‌ ريشى هێشتووه‌ته‌وه‌ بڵاوكرده‌وه‌

K24 – هه‌ولێر:

ئه‌كته‌رى جيهانى جينيفه‌ر گارنه‌ر له‌ رێى لاپه‌ڕه‌ى خۆى له‌ تۆڕى كۆمه‌ڵايه‌تى ئينستگرامه‌وه‌ وێنه‌يه‌كى خۆى له‌ شێوه‌ى پياوێكدا كه‌ ريشى هێشتووه‌ته‌وه‌ بڵاوكرده‌وه‌.

گارنه‌ر له‌سه‌ر وێنه‌كه‌ نووسيويه‌تى: "ساڵى نوێ.. منيش نوێم".

بڵاوبوونه‌وه‌ى ئه‌و وێنه‌يه‌ له‌ تۆڕه‌ كۆمه‌ڵايه‌تييه‌كان لێكدانه‌وه‌ى زۆرى به‌دوادا هاتووه‌ و به‌شێك له‌ به‌كارهێنه‌رانى تۆڕه‌ كۆمه‌ڵايه‌تييه‌كان رايانگه‌ياندووه‌، گارنه‌ر به‌ نه‌شته‌رگه‌رى خۆى كردووه‌ته‌ پياو.

رۆژنامه‌ى ده‌يلى مێڵى بريتانى له‌ باره‌ى ئه‌و وێنه‌يه‌وه‌ نووسيويه‌تى: وێنه‌كه‌ ده‌گه‌ڕێته‌وه‌ بۆ نواندنى گارنه‌ر و رۆڵگێڕانى له‌ فيلمێكدا، به‌ڵام زانيارى له‌ باره‌ى ئه‌و فيلمه‌وه‌ بڵاونه‌كردووه‌ته‌وه‌.