پیاوێکی سەرخۆش شێرێکی لێدەبێتە پشیلە

K24 – هه‌ولێر:

پیاوێکی سەرخۆش دەچێتە باخچەیەکی ئاژەڵان و شێر و پشیلەی لێ تێکەڵ دەبێت، بۆیە هەوڵدەدات خۆراک بداتە شێرەکە، بەڵام شێرە پەلاماری دەدات و دەستی بریندار دەکات.

رووداوەکە لە باخچەی رۆز والسەر لە وڵاتی هیندوراس روویداوە و پیاوەکە لەودیو قەفەسی شێرەکە دەستی دەباتە ژورەوە تاکو خواردن بداتە شێرەکە، بەڵام شێرەکە پەلاماری دەستی دەدات و برینداری دەکات.

ئەگەرچی نزیکبوونەوەی لەو ئاژەڵانە بەو جۆرە قەدەخەیە، بەڵام رووداوەکە بەیانی زووبووە و پاسەوانی باخچەکە ئاگادارنەبوون.

دوای برینداربوونی، پیاوەکە لەلایەن چەند هاوڕێیەکی کە گرتە ڤیدیۆکەیان تۆماکردووە دەگەیندرێتە نەخۆشخانە.

سەرچاوە: دەیلی مەیل

 H.J