پلەی گەرما بەرز دەبێتەوە
K24 - ھەولێر
بەگوێرەی پێشبینیەكانی كەشناسی پلەكانی گەرما لە ھەرێمی كوردستان بەرزدەبێتەوە.
بەڕێوەبەرایەتی كەشناسی و بومەلەرزەزانی ھەرێمی كوردستان پێشبینیەكانی كەشوھەوای بۆ 48 كاتژمێر بڵاوكردەوە و رایدەگەیەنێت، ئەمڕۆ ئاسمان ساماڵ دەبێت و بەرزترین پلەی گەرما لە ھەولێر 44 و لە سلێمانی و دھۆك 42 و لە كەركووكیش 47 پلەی سەدی دەبێت.
سەبارەت بە كەشوھەوای سبەی كەشناسی ئاشكرای كردووە، سبەی پلەی گەرمی زیاتر بەرزدەبێتەوە و لە ھەولێر بەرزترین پلەی گەرما دەگاتە 45 و لە كەركووك بەرزترین پلەی گەرما 48 دەبێت.