پلەكانی گەرما دادەبەزێت
K24 - ھەولێر
بەگوێرەی پێشبینیەكانی كەشناسی، سبەی پلەكانی گەرما لە ھەرێمی كوردستان دادەبەزێت.
بەڕێوەبەرایەتی كەشناسی و بومەلەرزەزانی ھەرێمی كوردستان پێشبینیەكانی بۆ 48 كاتژمێر راگەیاند، بەپێی پێشبینیەكانی كەشناسی ئەمڕۆ ئاسمانی شارەكانی كوردستان ساماڵ دەبێت و بەرزترین پلە لە ھەولێر 46 و لە سلێمانی 42 و لە دھۆك 46 كەركووك وەك ھەمیشە لە شارەكانی دیكە گەرمتر دەبێت و بەرزترین پلە 48 دەبێت.
لەبارەی كەشوھەوای سبەی كەشناسی پێشبینی دەكات سبەی پلەكانی گەرما لە كوردستان داببەزێت و لە ھەولێر بەرزترین پلە 42 و سلێمانی 40 و دھۆك 41 كەركووك 46 پلە دەبێت.