به ڤیدیۆ.. به موعجیزه له مردن رزگاری ده‌بێت
K24 - هه‌ولێر:
به گوێره‌ی گرته‌یه‌كی ڤیدیۆیی، كه وێبسایتی ده‌یلی مه‌یلی به‌ریتانی بڵاویكردووه‌ته‌وه، دوو منداڵ به پایسكل له قوتابخانه ده‌گه‌ڕێنه‌وه و یه‌كێكییان ده‌كه‌وێته ژێر تایه‌ی بارهه‌ڵگرێك، به‌ڵام به موعجیزه له مه‌رگ رزگاری ده‌بێت.
یه‌كێك له منداڵه‌كان، هاوسه‌نگی خۆی له‌ده‌ست ده‌دات و به پشته‌وه‌دا به‌رده‌بێته‌وه و ده‌كه‌وێته پێش تایه‌ی پێشه‌وه‌ی بارهه‌ڵگره‌كه، به‌ڵام شۆفێره‌كه هه‌وڵده‌دات لێی دوور بكه‌وێته‌وه، دواجار ته‌نها جانتای منداڵه‌كه ده‌كه‌وێته ژێر تایه‌كه و منداڵه‌كه له مه‌رگ رزگاری ده‌بێت.
به گوێره‌ی وێبسایتی ده‌یلی مه‌یڵ، رووداوه‌كه له شاری هانۆوی ڤێتنام روویداوه و دواتريش كچێك كه له نزیك شوێنه‌كه وه‌ستاوه منداڵه‌كه‌ی هه‌ڵگرتووه‌ته‌وه و له‌گه‌ڵ هاوڕێكه‌ی ره‌وانه‌ی ماڵه‌وه‌ی كردووه‌ته‌وه.