ئیسرائیل پێگەیەکی ئێرانی لە سووریا بۆردومان کرد
K24 – هه‌ولێر:
سووپای ئیسرائیل پێگەیەكی فیلەقی قودسی ئێرانی لە سووریا بۆردومان كرد.
سووپای ئیسرائیل بڵاویکردەوە، هێرشیان کردووەتە سەر بنکەیەکی سەربازیی ئێران لە سووریا و هۆشداریشی دایە سووریا بیر لە هێرشکردنە سەر خاک و سوپای ئیسرائیل نەکاتەوە.
لەبارەی هێرشەکان، میدیاکانی سەر بە حکومەتی سووریا دەڵێن: "ئیسرائیل بە مووشەکی زیرەک هێرشێکی چڕی کردووە، بەڵام زۆربەی ئەو مووشەکانە نەگەیشتوونە ئامانج و پووچەڵکراونەتەوە".
ئیسرائیل چەند جارێک هۆشداری داوەتە سوپای ئێران و میلیشیاکانی لە خاکی سووریا بچنەوە دەرەوە، بەڵام کۆماری ئیسلامی ئێران دەڵێت، ئەوان لەسەر داوای حکومەتی سووریا هاتوونەتە ناوچەکە و لەسەر داوای ئەوانیش ناوچەکە جێدەهێڵن.
Ongoing missiles moving to their targets in southern #Damascus pic.twitter.com/hyE90A4xJv
— Majd Fahd ?? (@Syria_Protector) January 20, 2019
Reuters
H.J