له شه‌ڕی نێوان دوو خێزان كوڕ و باوكێك بوونه قوربانی
K24- هه‌ولێر:
لە شەڕ و ڕووبەڕوبوونەوەی نێوان دوو خێزانی سه‌ر به یەک بنەماڵە، کە ئامۆزای یەکترن، کەسێک کوژرا و یەکێکی دیكه‌ش بریندار بوو.
بە وتەی پۆلیسی ده‌ڤه‌ری راپه‌ڕین، ڕووداوەکە لە کۆمەڵگای شکارتە، لە سنووری ناحیەی بێتواتە ڕوویداوە و کوژراو و بریندارەکە کوڕ و باوکن.
ڕائید شۆڕش ئیسماعیل، وتەبێژی بەڕێوبەرایەتیی پۆلیسی ڕاپەڕین بە کوردستان ۲٤ ی ڕاگەیاند، تاکو ئێستا هیچ كه‌سێك له‌سه‌ر رووداوه‌كه دەستگیر نەکراوە، تۆمەتبارەکانیش به‌ره‌و شوێنێكی نادیار ڕایانکردووە.
ئاماژەی بەوەش کرد، دوای رووداوه‌كه ده‌ستبه‌جێ هێزەکانی پۆلیس گەیشتونەتە شوێنەکە و لێکۆڵینەوە لە هۆکاری ڕووداوەکە ده‌ستی پێكردووه و دۆسیه‌ی لێکۆڵینەوە بۆ ئه‌و كه‌یسه كراوه‌ته‌وه.
وه‌ك وتەبێژی پۆلیسی ڕاپەڕین رایگه‌یاند، هۆکاری ڕاستەقینەی ڕووداوەکە تاکو ئێستا نەزانراوە، پۆلیس وتەیان لە بریندارەکە وەرگرتووە، بەڵام ئەوانیش نازانن بۆچی هێرشیان کراوەتە سەر.
H.B