باشووری کوردستان لە قەرەتەپە خۆكوژێك پێش خۆی بتەقێنێتەوە كوژرا

لە قەرەتەپە خۆكوژێك پێش خۆی بتەقێنێتەوە كوژرا

K24 – گەرمیان

خۆكوژێكی داعش ویستی لە بەردەم چایخانەیەكی قەرەتەپە خۆی بتەقێنێتەوە، بەڵام بەر لەوەی خۆی بتەقێنێتەوە لەلایەن ھێزە ئەمنییەكان كوژرا.

ھەرێم جاف پەیامنێری كوردستان24 لە گەرمیان رایگەیاند: "لەناحیەی قەرەتەپە خۆکوژێک کە لەسەر پاسکیلێک بوو، ویستی لە بەردەم چایخانە کۆنەکەی قەرەتەپە بتەقێنێتەوە، بەڵام پێش ئەوەی كردەوەكە ئەنجامبدات، ھێزە ئەمنییەكان تەقەیان لێكرد و كوشتیان".

رەحیم عەزیز بەرپرسی لیژنەی ئەمنی لە ئەنجوومەنی ناحیەی قەرەتەپەی سەربە قە زای خانەقین بەکوردستان24 راگەیاند: "ھێزەئەمنییەکانی قەرەتەپە زانیاریان ھەبووە کە داعش کردەوەی خۆکوژی ئەنجامدەدات بۆیە پێش ئەوەی ئامانجەکەیان بپێكن خۆكوژەكە كوژرا".

9. sidebar1_home_page