چەند هەنگاوێکی گرنگ بۆ پاراستنی ئۆتۆمبێل لە وەرزی زستان
K24 – ههولێر:
لەگەڵ هاتنی وەرزی زستان و دابەزینی پلەی گەرما بۆ ژێر سفر، ئۆتۆمبێلەکان دووچاری چەند کێشەیەکی وەرزیی دەبنەوە.
لەم وەرزەدا، دەبێت پێش بەکارخستنی ئۆتۆمبێلەکان چەند هەنگاوێک رەچاو بکەین و ئەنجامیان بدەین.
- پێش ئەوەی ئۆتۆمبێلەکەت بەکاربخەیت، تەواوی رادیۆ و گەرمکەرە و ئەو ئامێرانە بکوژێنەوە کە کار دەکەنە سەر باترییەکەت، چونکە سەرما کاردەکاتە سەر توانستی باترییەکان.
- ئەگەر باترییەکە هەر کاری نەکردم ئەوا بۆ باوەی 10 بۆ 12 چرکە بووەستە تاکو باترییەکە وزەی بۆ دەگەڕێتەوە و پاشان بەکاریبخەرەوە.
- ئەو ئۆتۆمبێلانەی کە کۆنن و خاوەنی کاربورێتۆر (کابرێتەر)ن، دەبێت لەکاتی داگیرساندنی ئۆتۆمبێلەکە، پێ بە پایدەری بانزیندا بنرێت، تاکو گەرمیی پێویستی دەگاتە بزوێنەرەکە.
- هەوڵبدە هەمیشە ئۆتۆمبێلەکەت لە شوێنێکی داخراو رابگریت، تاکو هەوای ساردی زستان، کەمتر کاری تێبکات.
- دڵنیابە لەوە ئۆتۆمبێلەکە بڕی پێویست دژە بەستن (ئەنتی فریزی) تێدایە.
- ئەو کەسانەی ماڵیان لە ناوچە شاخاوییەکانە و رۆژانە بەناو بەفردا گوزەر دەکەن، دەبێت تایەی تایبەت بە بەفر بخەنە سەر ئۆتۆمبێلەکانیان.
پاراستنی جامی پێشەوەی ئۆتۆمبێل لە بەستن
- ئەو شەوانەی پلەی گەرما زۆر نزمن، پیازێکی کاڵ بکە بە دوو کەرتەوە و بیدە لە جامەکە، یاخود سرکە و کحول تێکەڵ بکە و بیدە لە جامەکە.
- هەرگیز ئاوی گەرم نەکەیت بە جامەکەدا یاخود هەوڵمەدە بە شتێک بیکڕێنی چونکە ئەگەری شەقبردنی جامەکە زۆر زیاد دەکەن.
- لەکاتی پاککردنەوەی جامی سەیارەکە لە بەفر و بەستوویی، گەرمی ناوەیەی ئۆتۆمبێلەکە دابگرسێنە و بە فڵچەیەکی نەرم بەفرەکە خاوێن بکەرەوە.
سەرچاوە: Miror
H.J