ژمارەی خانهنشینانی نایاسایی بە پلەی وەزیر و راوێژكار ئاشكرا دهكرێت
K24 - ھەولێر
موشیر رەشید، بەڕێوەبەری فەرمانگەی یاسایی لە دەستەی دەستپاکی حكومهتی ههرێمی كوردستان لەمیانی بەشداریکردن لە گەشتی هەواڵەکانی کوردستان24 رایگەیاند: "461 کەس بە پلەی وەزیر و بریکاری وەزیر و راوێژکار لە هەرێمی کوردستان بە نایاسایی خانەنشین کراون".
بەڕێوەبەری فەرمانگەی یاسایی لە دەستەی دەستپاکی گوتیشی: "هەندێك لەو کەسانەی کە خانەنشین کراون، تەنها یەك رۆژیش فەرمانبەری حکومی نەبوونە".
روونیكردەوە: "بەشێك لە خانەنشینان بە پلەی بەرزتر لە مافی خۆیان خانەنشین كراون، بۆ نموونە بەڕێوەبەری گشتی بووە بە راوێژكار خانەنشین كراوە، یان راوێژكارە بە وەزیر خانەنشین كراوە".
ئاماژەی بۆ ئەوەشكرد: "لەنێو ھێزی پێشمەرگە و سەربازیش ژمارەی خانەنشینی نا یاسایی زۆرە، بۆیە پێویستی بە وردبینی زۆرە ھەیە".