پەكەكە: عەفرین دەكەینە گۆڕستان

"ئەگەر رووسیا دۆستی كورد بێت دەبێ رێگری لەو ھێرشە بكات"

K24 - ھەولێر

لە وەڵامی ھەڕەشەكانی توركیا بۆ ھێرشكردنە سەر عەفرین، موراد قەرەیلان، ئەندامی كۆمیتەی بەرێوەبردنی پارتی كرێكارانی كوردستان (پەكەكە) رایگەیاند، عەفرین بۆ توركیا دەبێتە گۆڕستان، ئەگەر شەڕ دروست بكات.

قەرەیلان دەڵێت، ئەگەر توركیا ھێرش بكاتە سەر عەفرین، ئەوا شەرێكی ستراتیژی دروست دەبێت و ئەمە لە دەرەوەی عەفرینیش بڵاودەبێتەوە، توركیا لە عەفرین تێكدەشكێت و بۆی دەبێتە گۆرستان.

 قەرەیلان روودەكاتە رووسیا و داوای لێدەكات بە پیلانەكانی ئەو وڵاتە نەخەڵەتێت، ھێرشكردنی توركیا بۆسەر كورد واتا ھێرشكردنە سەر رووسیایە، ئەگەر رووسیا دۆستی كورد بێت، پێویستە رێ لەو ھێرشە بگرێت.