عێراق داوای مۆڵەتی دوو ساڵ لە ئەمەریکا دەکات

"ناتوانین گازی ئێران نەکڕین"

K24 - هه‌ولێر:

عێراق داوای دوو ساڵ مۆڵەت لە ئەمەریکا دەکات تاکو بتوانێت گازی ئێران نەکڕێت و پشت بە بەرهەمی خۆی ببەستێت.

حیان عبدولغه‌نی، بەڕێوەبه‌ری كۆمپانیای نێوده‌وڵه‌تی گازی باشووری عێراق رایگه‌یاند ،ئاستی به‌رهه‌مهێنانی گازی عێراق بۆ دابینكردنی پێداویستی ناوخۆی عێراق زۆر نییه‌ و بۆ په‌رەپێدان و دامه‌زراندنی پڕۆژه‌ نوێیه‌ گازییه‌كانیان پێویستیان بە 24 مانگە.

هه‌ر بۆیه‌ش، تا دوو ساڵی دیکە پێویستیان به‌ گازی ئێران ده‌بێت و داوا له‌ ئه‌مەریكا ده‌كه‌ن مۆڵه‌تی زیاتریان پێ بدات.

عبدولغه‌نی ئاماژه‌ی به‌وه‌ش كرد، تا ساڵی 2020 ئاستی به‌رهه‌مهێنانی گاز له‌ عێراقدا ده‌گاته‌ یه‌ك ملیۆن و سێسه‌د هه‌زار پێ سێجا.

H.J