وەزارەتی پەروەردە لەبارەی گۆڕانكاری لە تاقیكردنەوەكان روونكردنەوە دەدات
K24 - ھەولێر
دوای بڵاوبوونەوەی دەنگۆی گۆڕانكاری لە چۆنیەتی ئەنجامدانی تاقیكردنەوەكانی پۆلی 9 و 12 ئامادەیی، لە راگەیەندراوێكدا وەزارەتی پەروەردەی حكومەتی ھەرێمی كوردستان ئاشكرای دەكات، ھیچ گۆڕانكارییەك لە تاقیكردنەوەكانی پۆلی 9 و 12 ئامادەیی نەكراوە.
لە راگەیەندراوەكەی وەزارەتی پەروەردە ھاتوو: "ماوەیەکە چەندین هەواڵی ناڕاست بڵاو دەکرێنەوە لەسەر چۆنیەتی ئەنجامدانی تاقیکرنەوە نیشتمانی و وەزارییەکانی پۆلی نۆیەم و دوانزەی ئامادەیی. پێویستە لێرە دووپاتی بکەینەوە کە ئەو تاقیکردنەوانە هیچ گۆڕانکارییەکیان بەسەردا نەهاتووە و ڕۆژ نا ڕۆژێك ئەنجام دەدرێن و ئەگەر کەوتە هەینی، لەو رۆژەدا ئەنجام نادرێت و دەکەوێتە رۆژی دواتر".
وەزارەتی پەروەردە روونیشی دەكاتەوە: "کە قسەی فەرمی وەزارەتی پەروەردە تەنها لە پەیجی فەرمی وەزارەت وەربگرن".
ھ.م