میلانیا داوا له‌ تره‌مپ ده‌كات ئه‌م ژنه‌ له‌ كۆشكی سپی ده‌ربكات

"شایسته‌ نییه‌ له‌ كۆشكی سپی كاربكات"

K24 - هه‌ولێر:

میلانیا تره‌مپ، هاوسه‌ری دۆناڵد تره‌مپی سه‌رۆكی ئه‌مه‌ریكا، داوای له‌ هاوسه‌ره‌كه‌ی كردووه‌، یاریده‌ده‌رێكی راوێژكاری ئاسایشی نه‌ته‌وه‌یی له‌ كۆشكی سپی دووربخاته‌وه‌.

داواكه‌ی میلانیا له‌ دژی میرا ریكاردێله‌ و ستیڤان گریشام، گوته‌بێژ به‌ ناوی میلانی ده‌ڵێت: "هه‌ڵوێستمان ئه‌وه‌یه‌ كه‌ ئه‌و یاریده‌ده‌ره‌ چیدیكه‌ شایسته‌ی ئه‌وه‌ نییه‌ له‌ كۆشكی سپی كاربكات".

به‌ گوێره‌ی وێبسایتی سكای نیوز، سه‌رۆكایه‌تی ئه‌مه‌ریكا ره‌تیكردووه‌ته‌وه‌ ریكاردیل له‌ كار لابدات، هاوكات ئه‌و خانمه‌ یاریده‌ده‌رده‌ ده‌ڵێت: "یاریده‌ده‌ره‌كانی خانمی یه‌كه‌می ئه‌مه‌ریكا، له‌وه‌ته‌ی گه‌شتی ئه‌فریقایان كردووه‌، به‌ به‌رده‌وام ره‌خنه‌ی لێده‌گرن".

رۆژنامه‌ی وۆڵ ستریت جۆرنالی ئه‌مه‌ریكی بڵاویكردووه‌ته‌وه‌، كێشه‌كه‌ ده‌گه‌ڕێته‌وه‌ "بۆ شوێنی دانیشتن له‌ناو فڕۆكه‌ و داواكارییه‌كان بۆ به‌كارهێنانی كه‌لوپه‌له‌ تایبه‌ته‌كان به‌ ئه‌نجوومه‌نی ئاسایشی نه‌ته‌وه‌یی".

تیمی میلانیا، گومان له‌ ریكاردیل ده‌كه‌ن و به‌ سه‌رچاوه‌ی "ده‌نگۆ نه‌رێنییه‌كان له‌سه‌ر میلانیا" و ستافه‌كه‌ی وه‌سفی ده‌كه‌ن.

به‌ گوێره‌ی میدیاكان، سه‌رۆكایه‌تی ئه‌مه‌ریكا و كۆشكی سپی، داواكه‌ی میلانیایان بۆ دوورخستنه‌وه‌ی ئه‌و ژنه‌ ره‌تكردووه‌ته‌وه‌.

ئ. م