راگه‌یه‌ندراوێك له حكوومه‌تی هه‌رێمی كوردستانه‌وه
K24 - هه‌ولێر:
حكوومه‌تی هه‌رێمی كوردستان له راگه‌یه‌نرداوێكدا، پێشوازی له ناوه‌ڕۆكی راگه‌یه‌ندراوی وه‌زاره‌تی ده‌ره‌وه‌ی ئه‌مه‌ریكا ده‌كات، كه داوای دانووستان و گفتوگۆی نێوان هه‌ولێر و به‌غدا ده‌كات.
ده‌قی راگه‌یه‌ندراوه‌كه‌ی حكوومه‌تی هه‌رێمی كوردستان:
ڕۆژی هەینی 20ـی 10ـی 2017 وەزارەتی دەرەوەی ئەمەریكا بەیاننامەیەكی بە ناوی حكوومەتی ئەمەریكا لەبارەی بارودۆخی ناوچە كێشەلەسەرەكان و گرژی و پێكدادانەكانی نێوان پێشمەرگە و هێزەكانی عێراقی لە پردێ بڵاو كردووەتەوە و تێیدا بە مەبەستی ڕاگرتنی گرژییەكان، كە لە چەند ڕۆژی ڕابردوو لەنێوان هێزی پێشمەرگەی كوردستان و هێزەكانی عێراقی ڕووی داوە، هانی هەردوولا دەدات كە بكەونە گفتوگۆ.
حكوومەتی هەرێمی كوردستان پێشوازی لە ناوەڕۆكی بەیاننامەكەی وەزارەتی دەرەوەی ئەمەریكا دەكات.
هەروەها پێشوازی لە دەستبەجێ ڕاگرتنی گرژی و پێكدادانەكانی نێوان هێزی پێشمەرگە و هێزەكانی عێراقی لە ناوچە كێشە لەسەرەكان دەكات و ڕەزامەندیشە كە ڕاگرتنی شەڕ و گرژی بە هەماهەنگیی نێوان هێزی پێشمەرگە و هێزەكانی عێراق و هێزی هاوپەیمانان ئەنجام بدرێت.
حكوومەتی هەرێمی كوردستان بە مەبەستی چارەسەر كردنی كێشەكان پێشوازی لە دەستپێكردنی دانوساندن لەگەڵ بەغدا دەكات بە زووترین كات و لە چوارچێوەی دەستووری عێراقی و بە بێ هیچ پێش مەرجێك.
حكوومەتی هەرێمی كوردستان
21ـی 10ـی 2017