حكومه‌تى هه‌رێم له مانگى ره‌مه‌زاندا يه‌ك كاتژمێر ده‌وامى فه‌رمانگه‌كانى كه‌مكرده‌وه
K24 – هه‌ولێر:
به بۆنه‌ى هاتنى مانگى ره‌مه‌زانه‌وه، وته‌بێژى حكومه‌تى هه‌رێمى كوردستان، سه‌فين دزه‌يى رايگه‌ياند، يه‌ك كاتژمێر ده‌وام له فه‌رمانگه‌كاندا كه‌مكراوه‌ته‌وه و ده‌وام كاتژمێر 9ى به‌يانى ده‌ستپێده‌كات و كاتژمێر 3ى دواى نيوه‌ڕۆ كۆتايى دێت.
ده‌قى راگه‌يه‌ندراوى وته‌بێژى حكومه‌تى هه‌رێم:
بە بۆنەی هاتنەوەی مانگی ڕەمەزانی پیرۆزەوە، پیرۆزباییەكی گەرم لە خانەوادەی شەهیدان و پێشمەرگە قارەمانەكانی كوردستان و هەموو موسڵمانان لە هەرێمی كوردستان وعیراق و جیهان دەكەین ، بەو هیوایەی ئەو مانگە ببێتە دەرفەتێك بۆ پتەوتركردنی گیانی تەبایی و برایەتی و پێكەوەژیان و چارەسەركردنی گرفتەكانمان.
بەم بۆنەیەشەوە رایدەگەیەنین، دەوامی فەرمی لە فەرمانگەكانی حكومەتی هەرێمی كوردستان بۆ ماوەی یەك كاتژمێر كەم دەكرێتەوە، واتا لە كاتیژمێر 9 ی بەیانیەوە تا 3 ی دوای نیوەڕۆ دەبێت .
سەفین موحسین دزەیی
وتەبێژی فەرمی حكومەتی هەرێمی كوردستان
2017/5/26