ئه‌مريكا: به‌غدادى له په‌لوپۆ كه‌وتووه
.jpg)
K24 – هه‌ولێر:
وته‌بێژى وه‌زاره‌تى به‌رگرى ئه‌مريكا (پێنتاگۆن)، رايگه‌ياند، خه‌ليفه‌ى داعش ئه‌بو به‌كر به‌غدادى ئێستا به‌شدارى له پرۆسه‌ى درووستكردنى بڕيار له ناو رێكخراوه‌كه‌يدا ناكات و ئه‌و چيديكه فه‌رمانده‌ى چه‌كداره‌كانى داعش نييه.
له لێدوانێكى كورتى رۆژنامه‌نووسيدا، وته‌بێژه‌كه‌ى پێنتاگۆن گوتيشى: به‌غدادى به‌شدارى هيچ پرۆسه‌يه‌كى رۆژانه بۆ ده‌ركردنى بڕيار نادات و له‌گه‌ڵ فه‌رمانده مه‌يدانييه‌كانيشدا په‌يوه‌ندى پچڕاوه.
پێشتر ئه‌بو عه‌لى به‌سرى، سه‌رۆكى شانه‌ى هه‌ڵۆكان و به‌ڕێوبه‌رى گشتيى هه‌واڵگرى و نه‌هێشتنى تيرۆرى عێراق رايگه‌ياندبوو، به‌غدادى هێشتا موه و له سووريا نيشته‌جێيه.
كه‌ناڵه‌كانى راگه‌ياندنى عێراقى رۆژى 11ى ئه‌م مانگه بڵاويانكردبوويه‌وه گوايه ئه‌بو به‌كر به‌غدادى كوژراوه.
پێشتريش له ناوه‌ڕاستى مانگى رابردوودا، وه‌زاره‌تى به‌رگرى رووسيا بڵاويكردبويه‌وه كه ئه‌بو به‌كر به‌غدادى و 300 چه‌كدارى له كۆتايى مانگى ئايارى رابردوودا له سووريا و له ئاكام هێرشێكى ئاسمانى سوپاى قورسيا كوژراوون.