مۆندیالی 2018ـی رووسیا خاوه‌نی 10 گرانبه‌هاترین هه‌ڵبژارده‌یه‌ له‌ مێژوودا

به‌رازیل پێشه‌نگی گرانبه‌هاترین هه‌ڵبژارده‌ی مۆندیالی گرتووه‌

سه‌رچاوه‌یه‌كی راگه‌یاندنی ئیسپانیا توێژینه‌وه‌یه‌كی كردووه‌ تایبه‌ت به‌ 10 گرانبه‌هاترین پێكهاته‌ی مۆندیالی 2018ـی رووسیا، ده‌ركه‌وتووه‌ كه‌ به‌رازیل خاوه‌نی ده‌وڵه‌مه‌نترین پێكهاته‌یه‌ له‌ مۆندیالی داهاتوو.

رۆژنامه‌ی ماركای ئیسپانیا، له‌ چاپی ئه‌مڕۆ پێنجشه‌ممه‌، 7 دێسێمبه‌ری 2017، به‌پشتبه‌ستن به‌ نرخی یاریزانه‌كان، لێكۆڵینه‌وه‌یه‌كی ئه‌نجامداوه‌ و ده‌ریخستووه‌ كه‌ به‌رازیل به‌ 673 ملیۆن یۆرۆ گرانبه‌هاترین هه‌ڵبژارده‌ی مۆندیالی 2018ـیه‌ كه‌ نرخی هه‌ر یاریزانێك به‌ 26.9 ملیۆن یۆرۆ خه‌ملێندراوه‌.

هه‌ڵبژارده‌ی ئه‌ڵمانیا به‌ 636 ملیۆن یۆرۆ پله‌ی دووه‌می ده‌وڵه‌مه‌نترین هه‌ڵبژارده‌كانی مۆندیالی گرتووه‌.

له‌ كۆی 10 هه‌ڵبژارده‌، ته‌نیا به‌رازیل و ئارجێنتینا نوێنه‌ری ئه‌مێریكای باشوورن، سه‌رجه‌م هه‌ڵبژارده‌ گرانبه‌هایه‌كانی دیكه‌ هی كیشوه‌ری ئه‌ورووپان.

ئه‌مه‌ش 10 گرانبه‌هاترین هه‌ڵبژارده‌ی مۆندیالی 2018

1ـ به‌رازیل 673 ملیۆن

2ـ ئه‌ڵمانیا 636 ملیۆن

3ـ فره‌نسا  636 ملیۆن

4ـ ئیسپانیا 603 ملیۆن

5ـ ئارجێنتینا 528 ملیۆن

6ـ به‌لجیكا 503 ملیۆن

7ـ ئینگلاند 339 ملیۆن

8ـ كرواتیا 294 ملیۆن

9ـ پورتوگال 279 ملیۆن

10ـ پۆڵه‌ندا 220 ملیۆن