لافاو ئۆتۆمبێلیشی راماڵی

K24 - دەربەندیخان

ھەرێم جاف، پەیامنێری كوردستان24 لە گەرمیان رایگەیاند: "بەھۆی بارانی بە خوڕ لافاو لە چەند ناوچەیەكی سنووری قەزای دەربەندیخان دروستبووە و زیانی زۆری بە خەڵك گەیاندووە و شۆفەڵ و ئۆتۆمبێلێك كەوتوونەتە ژێر قوڕ و لیتە".

پیاوێكی بە تەمەنی دانیشتووی ناوچەكە لەسەر زیانەكانی لافاو بۆ كوردستان24 دوا و گوتی: "لە ناوچەكەمان لەمێژە باران بەو رێژەیە نەباریووە، لە دوای ساڵی 1974ەوە یەكەمجارە باران بەوشێوەیە ببارێت، چوار رۆژە بەردەوام باران دەبارێت و زیانی زۆر بەر خەڵك كەوتووە".