ئۆپه‌راسيۆنه هاوبه‌شه‌كان داوا له توركيا ده‌كات رێز له سه‌روه‌رى خاكى عێراق بگرێت
K24 – هه‌ولێر:
فه‌رمانده‌يى گشتيى ئۆپه‌راسيۆنه هاوبه‌شه‌كانى سوپاى عێراق، داواى له توركيا كرد رێز له سه‌روه‌رى عێراق بگرێت و كۆتايى به په‌ره‌سه‌ندنى ئاڵۆزى سه‌ربازى له ناوچه سنوورييه‌كان بهێنێت.
گوته‌بێژى فه‌رمانده‌ييه‌كه، عه‌ميد يه‌حيا ره‌سوڵ رايگه‌ياند، عێراق داوا له توركيا و وڵاتانى دراوسێ ده‌كات، رێزى سه‌روه‌رى عێراق بگرن و هيچ هه‌نگاوێك به بێ هه‌ماهه‌نگى له‌گه‌ڵ هێزه عێراقييه‌كان نه‌نێن.
گوتيشى: ئۆپه‌راسيۆنه هاوبه‌شه‌كان رێگه به هيچ لايه‌نێك نادات له ژێر هه‌ر پاساوێكدا بێت، ده‌ستدرێژى بكاته سه‌ر خاكى وڵاتانى دراوسێ.
له دوو رۆژى رابردوودا فڕۆكه‌كانى توركيا چه‌ند جارێك سنوورى شنگال و مه‌خمووريان بۆردومان كرد.
توركيا بانگه‌شه‌ى ئه‌وه ده‌كات، ناوچه بۆردومانكراوه‌كان سه‌ربازگه و پێگه‌ى هێزه‌كانى پارتى كرێكارانى كوردستان بووه.
سه‌رچاوه: الاخبارية
ئ.ر