ژماره‌يه‌ك به‌ڕێوبه‌رى كۆمسيۆن ده‌ركران
K24 - ھەولێر
ئه‌و دادوه‌رانه‌ى له لايه‌ن ئه‌نجوومه‌نى نوێنه‌رانى عێراقه‌وه، وه‌ك سه‌رپه‌رشتيارى كۆمسيۆن ده‌ستنيشان كرابوون، ژماره‌يه‌ك به‌ڕێوبه‌رى جێبه‌جێكارى كۆميسيۆنيان ده‌ركرد.
گوته‌بێژى ئه‌نجوومه‌نى كۆميسيارانى كۆمسيۆن، دادوه‌ر له‌يث جه‌بر حه‌مزه رايگه‌ياند، ئه‌نجوومه‌نى كۆميسيارانى دادوه‌ر ژماره‌يه‌ك راسپارده‌ى ليژنه‌ى لێكۆڵينه‌وه‌ى حكومه‌تيان په‌سند كرد و ژماره‌يه‌ك به‌ڕێوبه‌رى كۆمسيۆنيان له كاره‌كانيان دوور خسته‌وه.
به گوێره‌ى بڕياره‌كه به‌ڕێوبه‌رى گشتى نووسينگه‌ى سه‌لاحه‌دين و به‌ڕێوبه‌رى نووسينگه‌ى هه‌ڵبژاردن له ئه‌رده‌ن و توركيا له كاره‌كانيان ده‌ركراوون.
هه‌روه‌ها هه‌ريه‌ك له به‌ڕێوبه‌رى نووسينگه‌ى كۆمسيۆن له كه‌ركووك و به‌ڕێوبه‌رى گشتى نووسينگه‌ى هه‌ڵبژاردن له ئه‌نبار ده‌ركراوون.
كۆميسيارانى دادوه‌ر رايانگه‌ياندووه، ئه‌و كه‌سانه تێوه‌گلاون به ياريكردن به ئه‌نجامه‌كان و گه‌نده‌ڵى ئيدارى و له لايه‌ن ئه‌و ليژنه‌يه‌وه كه سه‌رۆك وه‌زيران بۆ به‌دواداچوونى كێشه‌كانى كۆمسيۆن پێكيهێنابوو تۆمه‌تبار كراوون و ژماره‌يه‌كيان ره‌وانه‌ى به‌رده‌م دادگا ده‌كرێت بۆ ئه‌وه‌ى له‌سه‌ر ئه‌و تۆمه‌تانه دادگاييبكرێن.
ا.ر