باشووری کوردستان نەجمەدین كەریم: ئاڵای كوردستان لە ئەنقەرە و ئیستانبوڵ ھەڵدەكرێت بۆ لە كەركووك ھەڵنەكرێت

نەجمەدین كەریم: ئاڵای كوردستان لە ئەنقەرە و ئیستانبوڵ ھەڵدەكرێت بۆ لە كەركووك ھەڵنەكرێت

K24 - كەركووك

لە كۆنگرەیەكی رۆژنامەوانیدا نەجمەدین كەریم پارێزگاری كەركووك، لەبارەی ھەڵكردنی ئاڵای كوردستان لەسەرباڵەخانە حكوومییەكان رایگەیاند: "ئاڵای كوردستان كە لە توركیا، لە ئەنقەرە و ئیستانبوڵ ھەڵدەكرێت بۆ لە كەركووك ھەڵنەكرێت".

گوتیشی: "لە دەستووری عێراق شاری كەركووك وەك شارێكی ناكۆكی لەسەر دانراوە، ئەم حەساسیەتەی ھەندێك كەس و لایەن بەرامبەر بە ئاڵای كوردستان لەجێی خۆی نییە، ھیوادارین ئەنجوومەنی پارێزگا دەنگی لە سەربدات، بۆ ئەوەی ببێتە دیفاكتۆ".

پارێزگاری كەركووك ئەوەشی خستەڕوو: "ئەو پێشمەرگانەی چەندین ساڵە كەركووك دەپارێزن ئاڵای كوردستانیان لەسەر شانە، زۆرینەی خەڵكی كەركووك دەڵێن، چەندین ساڵە كەركووك دەپارێزین، بۆ دەبێ ئاڵای كوردستان لەسەر باڵەخانە حكوومییەكانی شارەكە نەبێت".

چەند رۆژێك لەمەوبەر پارێزگاری كەركووك بە فەرمی داوای لە ئەنجوومەنی پارێزگای كەركووك كرد دەنگ لەسەر ھەڵكردنی ئاڵای كوردستان لەسەر باڵەخانە حكوومییەكان بدەن، بەڵام تا ئێستا ئەنجوومەنی پارێزگا بۆ ئەم مەبەستە كۆنەبووەتەوە.