پۆلیسی سۆران: هاووڵاتییه‌ك كۆتایی به ژیانی خۆی هێنا
K24 – سۆران:
پۆلیسی سۆران رایده‌گه‌یه‌نێت، ته‌رمی هاووڵاتییه‌ك به‌ناوی (ح. م. چ)، 35 ساڵ، له ناو ماڵه‌كه‌ی دۆزرایه‌وه.
رائید سه‌عدوون هاودیانی، گوته‌بێژی پۆلیسی سۆران، ئه‌مڕۆ شه‌ممه 8ی كانوونی یه‌كه‌م/ دیسه‌مبه‌ری 2018 رایگه‌یاند، ئه‌و هاووڵاتییه ته‌مه‌نی 35 ساڵه و له ناو گه‌راجی ماڵه‌كه‌یاندا، به په‌ت خۆی هه‌ڵواسیوه و كۆتایی به ژیانی خۆی هێناوه.
پۆلیس له زاری باوكی ئه‌و هاووڵاتییه رایگه‌یاندووه، هه‌رچه‌نده ناوبراوه خێزاندار بووه، به‌ڵام "نه‌خۆشی ده‌روونی هه‌بووه" و باری ده‌روونی ته‌واو نه‌بووه.
دوای رووداوه‌كه، ته‌رمی هاووڵاتییه‌كه، كه نیشته‌جێی گه‌ڕه‌كی زانیاری شاری سۆران بووه، ره‌وانه‌ی نه‌خۆشخانه‌ی سۆران كراوه و پۆلیسیش لێكۆڵینه‌وه‌ی له رووداوه‌كه ده‌ستپێكردووه.
ئ. م