سەرکردایەتی پارتی بۆ تاووتوێكردنی هەڵبژاردنی کوردستان لە کۆبوونەوەدایە

پێكهێنانی حكوومه‌تی نوێی عێراقیش تاووتوێده‌كرێت

K24 - هه‌ولێر:

پەیامنێری کوردستان24 رایگەیاند، ئەنجوومەنی سەرکردایەتی پارتی دیموکراتی کوردستان بۆ تاووتوێکردنی هەڵبژاردنی په‌رله‌مانی کوردستان و پێکهێنانی حکوومەتی نوێی عێراقی لە کۆبوونەوەدایە.

ئەم کۆبوونەوەیه‌ی ئەنجوومەنی سەرکردایەتی پارتی لە کاتێکدایە، ئه‌و حزبه‌ سووربوونی خۆی لەسەر ئەنجامدانی هەڵبژاردنەکانی کوردستان پیشان داوە.

لەلایەکی دیکەشەوە، شاندە هاوبەشەکەی لەگەڵ یەکێتی نیشتمانی کوردستان خەریکی گفتوگۆن لەسەر پێکهێنانی حکوومەتی نوێی عێراق کە مافەکانی گەلی کوردستانی تێدا بەدەست بهێندرێت.

ا. م