ئه‌مریكا باسی رۆڵی پێشمه‌رگه‌ ناكات

"شه‌ڕی داعش و شه‌ڕی تیرۆر كۆتایی نه‌هاتووه‌"

K24 - ھەولێر

له ‌دوای راگه‌یاندنی كۆتایی هاتنی داعش له‌ عێراق له‌لایه‌ن حه‌یده‌ر عه‌بادی سه‌رۆك وه‌زیرانی عێراق، وه‌زاره‌تی ده‌ره‌وه‌ی ئه‌مریكا له‌ راگه‌یاندراوێكدا پیرۆزبایی له‌ هێزه‌كانی عێراق ده‌كات، به‌ڵام باسی پێشمه‌رگه‌ و رۆڵی پێشمه‌رگه‌ له‌و شه‌ڕه‌دا ناكات.

هێزه‌ر ناوێرت، گوته‌بێژی وه‌زاره‌تی ده‌ره‌وه‌ی ئه‌مریكا له‌ راگه‌یاندراوێكدا جه‌خت له‌وه‌ ده‌كاته‌وه‌ كه‌ سه‌ره‌ڕای كۆتایی هاتنی شه‌ڕی داعش، به‌ڵام شه‌ڕی داعش و شه‌ڕی تیرۆر كۆتایی نه‌هاتووه‌.

وەزارەتی دەرەوەی ئه‌مریكا له‌ راگه‌یاندراوه‌كه‌دا ئه‌وه‌شی ئاشكرا كردووه‌ كه‌ له‌سێ ساڵی رابردوودا ملیارێك و 700 ملیۆن دۆلاریان به‌ هاوكارییكردنی عێراق دابین كردووه،‌ له‌گه‌ڵ 265 ملیۆن دۆلاری دیكه‌ بۆ ئاوه‌دانكردنه‌وه‌ی ئه‌و ناوچانه‌ی له‌ژێر ده‌ستی داعشدا رزگار كراون.