پاسپۆرتی هه‌ڵه‌بجه ده‌رچوو به‌ڵام ناوی پارێزگای سلێمانی به‌سه‌ره‌وه‌یه
K24 - هه‌ولێر:
بەڕێوەبەرایەتی پاسپۆرت لە ھەڵەبجە كرایەوە، سارا یەکەم کەس بوو ببێتە خاوەن پاسپۆرت، بەڵام لەسەر پاسپۆرتەکەی ناوی ھەڵەبجەی تێدانیيە و نووسراوە عێراق - سلێمانی، ئەو دڵخۆش بوو بەوەی یەکەمین کەس بووە لە پارێزگای ھەڵەبجە کە پاسپۆرت لە شارەکەی خۆی وەربگرێت، بەڵام وەک خۆی دەڵیت: "زیاتر دڵخۆش دەبومم ئەگەر لەسەر پاسپۆرتەکەی ناوی پارێزگاکەی خۆی لەسەر بوایە".
بەڕێوبەری پاسپۆرتی ھەڵەبجە دەڵێت: "بەڕێوەبەرایەتییەكە سەربەخۆیە و سەر بەڕەگەزنامەی گشتی ھەولێرە ئەوەی کە تا ئیستەش نووسراوە عێراق - سلێمانی، تەنھا بەھۆی ئەوەی نەیانتوانیوە دیزاینی پاسپۆرتی ھەڵەبجە ئامادەبکەن، بۆیە 100 پاسپۆرتیان بەو شێوەیە بۆ ھاتووە، دواتر لەسەر ھەموو پاسپۆرتەکان ناوی پارێزگای ھەڵەبجەش دەبێت".
كردنەوەی بەڕێوەبەرایەتی پاسپۆرت كارئاسانییەكی زۆر بۆ ھاووڵاتییانی سنوورەكە دەكات، بڕیارە ھەر یەك لە بەڕێوەبەرایەتی رەگەزنامە، ھاتووچۆ و كارتی نیشتمانی لە ئایندەیەكی نزیكدا لە شارەكە بكرێنەوە.
هه‌ڵه‌بجه، له 13ی ئاداری ساڵی 2014، به بڕیاری نێچیرڤان بارزانی، سه‌رۆك وه‌زیرانی هه‌رێمی كوردستان بوو به پارێزگا، تا ئێستاش تا ئێستاش ژماره‌یه‌ك فه‌رمانگه‌ی فیدرالی له پارێزگاكه كراوه‌ته‌وه.
ئ. م