ڤيديۆ.. له‌ ده‌رياچه‌يه‌كى چين به‌ رێككه‌وت بوونه‌وه‌رێكى سه‌ير بينرا

دڕه‌نده‌يه‌كى گه‌وره‌ى بينيوه‌ كه‌ به‌شێكى جه‌سته‌ى له‌ سه‌ر رووى ئاو ديار بووه‌
kurdistan24.net

K24 – هه‌ولێر:

له‌ باخچه‌يه‌كى نزيك له‌ ده‌رياچه‌ى كاناس له‌ چين، وێنه‌گرێك به‌ كامێراى ڤيديۆيى به‌ هه‌ڵكه‌وت وێنه‌ى بوونه‌وه‌رێكى نامۆى تۆمار كرد، كه‌ له‌ ده‌رياچه‌كه‌دا ده‌ركه‌وتووه‌ و تا ئێستا نه‌زانراوه‌ ئه‌و بوونه‌وه‌ره‌ گه‌وره‌يه‌ چييه‌.

وان سين ئان، وێنه‌گرى ڤيديۆكه‌ رايگه‌ياند، دڕه‌نده‌يه‌كى گه‌وره‌ى بينيوه‌ كه‌ به‌شێكى جه‌سته‌ى له‌ سه‌ر رووى ئاو ديار بووه‌.

گوتيشى: ئه‌وه‌ى به‌ چاو بينيم راستيى بوو، چونكه‌ پێچه‌وانه‌ى شه‌پۆلى ده‌ريا ده‌ڕۆيشت.

سون زيدان، به‌ڕێوبه‌رى ناوه‌ندى زه‌مينى ده‌رياچه‌ى كاناس، رايگه‌ياند، ئه‌و بوونه‌وه‌ره‌ سه‌رسوڕهێنه‌ره‌ له‌ ده‌رياچه‌كه‌دا ده‌ژيت و تا ئێستا به‌ وردى نه‌ناسراوه‌.

گوتيشى: مانگى رابردوو ژماره‌يه‌ك گه‌شتيار به‌ سه‌ردان هاتبوونه‌ ناوچه‌كه‌ هه‌مان گيانله‌به‌رى ئاويان بينيوه‌.