جووتیارانی كورد: ته‌عریبێكی دیكه‌ ده‌ستیپێكردووه‌ته‌وه‌

"ته‌عریب له‌ یه‌خه‌ی كورد نابێته‌وه‌"
kurdistan24.net

K24 – هه‌ولێر:

له‌ دژی داگیركردنی زه‌وییه‌كانیان له‌لایه‌ن عه‌ره‌به‌وه‌، جووتیارانی كورد له‌ سنووری گونده‌كانی سه‌رگه‌ڕان گردبوونه‌وه‌یه‌كی ناڕه‌زایه‌تییان ئەنجامدا و داوایان له‌ هه‌ردوو حكومه‌تی هه‌رێمی كوردستان و حكومه‌تی عێراق كرد كه‌ به‌ ئاشتیانه‌ كێشه‌كانیان چاره‌سه‌ر بكه‌ن. 

هه‌روه‌ها جووتیارانی كورد، دووپاتیی ده‌كه‌نه‌وه‌ خۆیان خاوه‌نی راسته‌قینه‌ی زه‌وییه‌كانن و روونیشی ده‌كه‌نه‌وه‌، دوای شازده‌ی ئۆكتۆبه‌ر له‌ سنووری كه‌ركووك ته‌عریبێكی دیكه‌ ده‌ستیپێكردووه‌ته‌وه‌.

چەند هاووڵاتییەکی سنووری سه‌رگه‌ڕان دژی بە عەرەبکردنی (تەعریبکردن) ناوچەکانیان و زەوتکردنی زەوییەکانیان گردبوونەوە و داوایان له‌ هه‌ردوو حكوومه‌تی هه‌رێمی كوردستان و حكوومه‌تی عێراق كرد كه‌ به‌ ئاشتیانه‌ كێشه‌كانیان چاره‌سه‌ر بكه‌ن و جه‌ختیان له‌ خاوه‌ندارێتی ئه‌وان له‌سه‌ر زه‌وییه‌كانیان كرده‌وە.

هه‌روه‌ها جووتیارانی كورد دووپاتی ده‌كه‌نه‌وه‌، دوای 16ی ئۆكتۆبه‌ر له‌ سنووری كه‌ركووك بە عەرەبکردنێکی دیكه‌ ده‌ستیپێكردووه‌ته‌وه‌ و جه‌ختیشیان كرده‌وه‌ ئه‌وان له‌ مافه‌كانیان خۆش نابن و داوای زه‌وییه داگیركراوه‌كانیان ده‌كه‌نه‌وه.‌

به‌شێك لەو هاووڵاتییە ناڕازیانە دەڵێن: "دوای رووداوه‌كانی 16ی ئۆكتۆبه‌ر له‌ سنووری كه‌ركووك عه‌قڵیه‌تێكی شۆڤێنیزمی حوكم ده‌كات و ده‌یه‌وێت زه‌وی جووتیارانی كورد داگیر بكات".

ئ. م