"بەمنزیكانە پاشەكەوتی مووچە نامێنێت"

بارودۆخی ئابووری ھەرێمی كوردستان باش دەبێت

K24 - ھەولێر

وەزیرێكی حكوومەتی ھەرێمی كوردستان رایدەگەیەنێت، بارودۆخی ئابووری ھەرێمی كوردستان بەرەو باشی دەچێت و بەمنزیكانە پاشەكەوتی مووچە نامێنێ.

پشتیوان سادق، وەزیری ئەوقاف و کاروباری ئایینی بەوەکالەت رایگەیاند: "لە چوار ساڵی داھاتوودا بارودۆخی ئابووری ھەرێمی كوردستان بەرەو باشی دەچێت و ئومێدی زۆر ھەیە بەمنزیكانە پاشەكەوتی مووچە نەمێنێت و پڕۆژەكان دەست پێدەكەنەوە".

پشتیوان سادق، ئاماژەی بەوەشدا: "سەرەڕای كەموكوڕییەكان بە بەراورد بە شارەکانی ناوەڕاست و باشووری عێراق، لە هەرێمی کوردستان کاری زۆر باشکراوە".