باشووری کوردستان دوو چه‌كداری نه‌ناسراو له‌ ده‌ربه‌ندیخان دوو كه‌س ده‌كوژن

دوو چه‌كداری نه‌ناسراو له‌ ده‌ربه‌ندیخان دوو كه‌س ده‌كوژن

K24 - ده‌ربه‌ندیخان:

دوو چه‌كداری نه‌ناسراو له‌ ده‌ربه‌ندیخان دوو كه‌س ده‌كوژن و جێگری به‌ڕێوه‌به‌ری نه‌خۆشخانه‌ی ده‌ربه‌ندیخان ده‌ڵێت: "ئه‌و دوو چه‌كداره‌ داعش بوونه‌".

رزگار واحید، جێگری به‌ڕێوه‌به‌ری نه‌خۆشخانه‌ی ده‌ربه‌ندیخان، تایبه‌ت به‌ كوردستان 24 گوتی: "من له‌گه‌ڵ هێزه‌ ئه‌منییه‌كان چوومه‌ته‌ شوێنی رووداوه‌كه‌ و برینداره‌كه‌ وه‌سفی چه‌كداره‌كانی وا كردووه‌ كه‌ دوو چه‌كداری قژدرێژبووبن".

رزگار واحید راشیگه‌یاند، ئه‌و برینداره‌كه‌ پێی گوتووه‌: "دوو چه‌كداری قژدرێژ داوایان لێكردین تا سه‌نگاو بیانبه‌ین، به‌ڵام كاتێك گوتمان به‌ ته‌له‌فۆن بۆ ئاسایش بكه‌ین، ئه‌وان ده‌ستیان به‌ ته‌قه‌كردن كرد".

له‌ ئاكامی ته‌قه‌كانیش، دوو كه‌سی ناو ئۆتۆمبێله‌كه‌ كوژراون و كه‌سێكی دیكه‌ش برینداره‌.

به‌ گوێره‌ی زانیارییه‌كانی په‌یامنێری كوردستان 24، رووداوه‌كه‌ له‌ نێوان گوندی چرچه‌قه‌ڵا و زه‌رده‌لیكاو له‌سه‌ر رێگه‌ی بانیخێڵان – سه‌نگاو روویداوه‌ و تا ئێستاش هۆكاره‌كه‌ی روون نییه‌.

له‌ ئێستاشدا هێزێكی زۆری ئه‌منی گه‌یشتوونه‌ته‌ ناوچه‌كه‌ و شوێنی رووداوه‌كه‌یان گه‌مارۆداوه‌ و لێكۆڵینه‌وه‌یان له‌ رووداوه‌كه‌ ده‌ستپێكردووه‌.

9. sidebar1_home_page