وادەی كردنەوەی رێگای سماقولی ئاشكرا كرا
K24 - كۆیە
ئوسامە سەڵاح، ئەندازیاری سەرپەرشتیاری پڕۆژەی چاككردنی رێگای سماقولی بە كوردستان24ی راگەیاند: "زیاتر لە 90% ئەو پردە تەواو كراوە، كە دروست كراوە و بەشێكی زۆری تێگەڵەشی تێ كراوە، دوای جەژنی نەورۆزیش رێگاكە قیڕ دەكرێت".
لەبارەی وادەی كردنەوەی رێگاكە بە رووی گەشتیار و شوفێران گوتی: "ئێوارەی ئەمڕۆ رێگاكە دەكرێتەوە".
بەنداوی سماقولی یەكێكە لەو 18 بەنداوەی، كە لە ھەرێمی كوردستان ھەن و دوو ساڵە پڕۆژەی دروستكردنی بەنداوی سماقولی تەواو بووە، بەڵام تەواونەبوونی رێگاكە ئاستەنگی بۆ ھاتووچۆی گەشتیار و ھاووڵاتیان دروست كردووە، بەتایبەتی لەكاتی بارانباراین.
رۆژی 19/3/2019 وەزارەتی ئاوەدانكردنەوەی حكوومەتی ھەرێمی كوردستان لە رێگەی بەڕێوەبەرایەتیی ئاوەدانكردنەوە و رێگاوبانی كۆیە پڕۆژەی چاككردنی رێگاكەیان دەست پێ كردووە.
ھ.م