باشووری کوردستان يه‌كێتى و سه‌نديكا و كۆمه‌ڵه‌ پيشه‌ييه‌كان پشتيوانى ريفراندۆم ده‌كه‌ن

يه‌كێتى و سه‌نديكا و كۆمه‌ڵه‌ پيشه‌ييه‌كان پشتيوانى ريفراندۆم ده‌كه‌ن

K24 – هه‌ولێر:

يه‌كێتى و سه‌نديكا و كۆمه‌ڵه‌ پيشه‌ييه‌كانى هه‌رێمى كوردستان كۆبوونه‌وه‌ و بڕيارياندا پشتيوانى له‌ ريفراندۆمى 25ى ئه‌يلووى داهاتوو بكه‌ن.

كۆبوونه‌وه‌كه‌ ئه‌مڕۆ له‌ باره‌گاى سه‌نديكاى پارێزه‌ران ئه‌نجامدرا.

ئه‌و سه‌نديكا و كۆمه‌ڵانه‌، له‌ راگه‌يه‌ندراوێكدا كه‌ وێنه‌يه‌كى بۆ كوردستان 24 نێردراوه‌، وێڕاى پشتيوانيان بۆ ريفراندۆم رايانگه‌ياندووه‌، هه‌موو لايه‌ك ئه‌و راستييه‌يان لا به‌رجه‌سته‌يه‌ بووه‌ كه‌  هه‌رێمى كوردستان به‌ قۆناعێكى هه‌ستياردا تێده‌په‌ڕێت و ناوچه‌كه‌ له‌ سه‌روبه‌ندى گۆڕانكارييه‌كى گه‌وره‌دايه‌ و پێويسته‌ به‌و په‌ڕى به‌رپرسيارێتييه‌وه‌ مامه‌ڵه‌ى له‌گه‌ڵدا بكرێت.

هه‌روه‌ها هاتووه‌: ريفراندۆم پرۆسه‌يه‌كى نيشتيمانى و نه‌ته‌وه‌ييه‌ و ده‌بێت هه‌موو خه‌ڵكى كوردستان خۆى به‌ خاوه‌نى بزانێت، چونكه‌ به‌رهه‌مى خه‌باتى چه‌ندين ساڵه‌.

ئه‌و دامه‌زراوه‌ مه‌ده‌نييانه‌ى هه‌رێمى كوردستان له‌ راگه‌يه‌ندراوه‌كه‌ياندا سێ داواكارييان خستووه‌ته‌ڕوو.

له‌ داواكارييه‌كاندا هاتووه‌: پێويسته‌ لايه‌نه‌كان له‌سه‌ر پرسى ريفراندۆم و سه‌ربه‌خۆيى يه‌كده‌نگ بن.

هه‌روه‌ها داواشيانكردووه‌، له‌ پێناو سه‌رخستنى ئه‌و پرۆسه‌يه‌ په‌رله‌مانى كوردستان كارا بكرێته‌وه‌ و داواش له‌ حكومه‌ت كراوه‌، كارى جدى بۆ چاره‌سه‌ركردنى كێشه‌ى هاووڵاتيان بكات.


9. sidebar1_home_page