په‌رله‌مانی كوردستان كاراكرایه‌وه‌

به‌ رێككه‌وتنی نێوان فراكسیۆنه‌كانی پارتی و یه‌كێتی

K24 - هه‌ولێر:

كاتژمێر 7ی ئێواره‌ی ئه‌مڕۆ، كۆبوونه‌وه‌ی په‌رله‌مانی كوردستان، به‌ به‌شداری سه‌رجه‌م فراكسیۆنه‌كان، جگه‌ له‌ كۆمه‌ڵ و گۆڕان، ده‌ستیپێكرد.

كۆبوونه‌وه‌كه‌ له‌لایه‌ن جه‌عفه‌ر ئیمینكی، جێگری سه‌رۆكی په‌رله‌مانه‌وه‌ سه‌رپه‌رشتی ده‌كرێت.

 بێگه‌رد تاڵه‌بانی، سه‌رۆكی فراكسیۆنی یه‌كێتی له‌ په‌رله‌مانی كوردستان بۆ ئه‌و پۆستی سكرتیری په‌رله‌مان به‌ شێوه‌یه‌كی كاتی راسپێردراوه‌ و له‌ به‌ڕێوه‌به‌ردنی دانیشتنه‌كه‌، به‌شداره‌.

به‌ گوێره‌ی زانیارییه‌كانی په‌یامنێری كوردستان 24 له‌ په‌رله‌مانی كوردستان، واژۆی نزیكه‌ی 70 په‌رله‌مانتار بۆ كۆبوونه‌وه‌ی نائاسایی ئه‌مڕۆی په‌رله‌مان كۆكراوه‌ته‌وه‌.