سەرۆک بارزانی پەیامێکی پیرۆزبایی ئاراستەی موسڵمانان دەکات

بەبۆنەی یادی لە دایکبوونی پێغەمبەری ئیسلام سەرۆک بارزانی پەیامێکی پیرۆزبایی بڵاوکردەوە

K24 – هه‌ولێر:

سەرۆک مەسعود بارزانی بە بۆنەی یادی لە دایکبوونی پێغەمبەری ئیسلام  پیرۆزبایی لە موسڵمانانی  کوردستان، عێراق و  جیهان دەکات؛ هیواخوازیشە، ئەم رۆژە ببێتە مایەی خێر و خۆشی بۆ گەلی کوردستان.

دەقی پەیامەکەی سەرۆک بارزانی:

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.

بەوھیوایەی ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

له‌ خودای گه‌وره‌ ده‌خوازین ئه‌م بۆنه‌ پیرۆزه‌ ‌ ببێتە مایە‌ی خۆشی و خێر و به‌ره‌که‌ت بۆ گه‌لی کوردستان و ناوچه‌که‌ به‌گشتی و بێته‌ کۆتایی زوڵم و توندڕۆیی و چه‌وساندنه‌وه‌ی میلله‌تان.

والسلام علیکم ورحمە الله وبرکاته

H.J