جوتیار عادل: به فه‌رمانی سه‌رۆكی حكومه‌تی هه‌رێمی كوردستان بودجه‌یه‌كی تایبه‌ت بۆ ده‌ربه‌ندیخان ته‌رخانكرا
K24 – هه‌ولێر:
گوته‌بێژی حكومه‌تی هه‌رێمی كوردستان، جوتیار عادل، راگه‌یه‌ندراوێكی بڵاوكرده‌وه و تێیدا رایگه‌یاند، بە فەرمانی رێزدار مەسرور بارزانی سەرۆكی حكومەتی ھەرێمی كوردستان بودجەیەکی تایبەت بۆ ئیدارە و بەشی تەندروستی قەزای دەربەندیخان تەرخانکرا بۆ رووبەڕووبوونەوەی ڤایرۆسی كۆرۆنا.
ده‌قی راگه‌یه‌ندراوه‌كه
بە فەرمانی رێزدار مەسرور بارزانی سەرۆكی حكومەتی ھەرێمی كوردستان بودجەیەکی تایبەت بۆ ئیدارە و بەشی تەندروستی قەزای دەربەندیخان تەرخانکرا بۆ رووبەڕووبوونەوەی ڤایرۆسی كۆرۆنا.
حكومەتی ھەرێمی كوردستان بە پێی توانای یارمەتیی ئەو قەزا و ناحیە و ئیدارە سەربەخۆیانە دەدات كە رێژەی بڵاوبوونەوەی ڤایرۆسی كۆرۆنایان لە ناوچەكانی دیكەی ھەرێم زیاترە.
لێردا جەخت لە گرنگیی پابەندبوونی ھاووڵاتییان بە رێنماییە تەندروستییەكان دەکەینەوە، بە تایبەتی مانەوە لە ماڵەكانیان، كە سەرەكیترین چارەسەرە بۆ رێگەگرتن لە بڵاوبوونەوەی زیاتری ئەم پەتایە .
د. جوتیار عادل
گوتەبێژی حكومەتی ھەرێمی كوردستان
2020/3/24