منداڵێكی 10 ساڵان له‌ هه‌ڵه‌بجه‌ ده‌بێته‌ قوربانیی گوللـه‌ی وێڵ

له‌گه‌ڵ هاوڕێكانی له‌ كۆڵان یاری كردووه‌

K24 - هه‌ڵه‌بجه‌:

پۆلیسی پارێزگای هه‌ڵه‌بجه‌ رایگه‌یاند، ئێواره‌ی ئه‌مڕۆ منداڵێكی ته‌مه‌ن 10 ساڵان، به‌هۆی به‌ركه‌وتنی گوللـه‌ی وێڵه‌وه‌ گیانی له‌ده‌ستدا.

ئه‌ڤین عه‌تا، په‌یامنێری كوردستان 24 رایگه‌یاند، منداڵه‌كه‌ ناوی (به‌یاد تاهیر قادره‌) و قوتابی پۆلی چواره‌مه‌ له‌ قوتابخانه‌ی (شنروێی بنه‌ڕه‌تی) له‌ هه‌ڵه‌بجه‌، ئه‌و كاته‌ی له‌گه‌ڵ منداڵان له‌ كۆڵان یاری كردووه‌، له‌ پڕ كه‌وتووه‌ و خوێن له‌ ده‌م و لووتییه‌وه‌ هاتووه‌ و دواتر گیانی له‌ده‌ستداوه‌.

رائید به‌رزان عوسمان، گوته‌بێژی به‌ڕێوه‌به‌رایه‌تی پۆلیسی پارێزگای هه‌ڵه‌بجه‌، رایگه‌یاند، ته‌رمی منداڵه‌كه‌ رەوانەی پزیشکی دادی كراوه‌ و تیمی بنکەی پولیسی شەهید سه‌رکار و بەڵگە و تاوان لێکۆڵینەوەیان لە رووداوەکە دەستپێکردووە  و پەڕاوی لێکۆڵینەوەی بۆ رێکخراوه‌.