ڤيان ده‌خيل: پۆستى سه‌رۆك كۆمار بۆ پارتييه و مافى كه‌سى پێوه نييه
K24 – هه‌ولێر:
ڤيان ده‌خيل، ئه‌ندامى پێشووى ئه‌نجوومه‌نى نوێنه‌رانى عێراق، رايگه‌ياند، پۆستى سه‌رۆك كۆمارى عێراق تايبه‌ته به پارتى ديموكراتى كوردستان.
ڤيان ده‌خيل له چاوپێكه‌وتنێكى ته‌له‌ڤزيۆنيدا گوتيشى: پارتى ديموكراتى كوردستان له رابردوودا زۆر قوربانيداوه به مافه‌كانى خۆى بۆ به‌رژه‌وه‌ندى لايه‌نه كوردييه‌كانى ديكه، له پێناو يه‌كڕيزى كورددا.
هه‌روه‌ها گوتى: ئه‌مجاره‌يان، پۆستى سه‌رۆك كۆمار مافى تايبه‌تى پارتييه.
روونيشيكرده‌وه، سه‌رۆك بارزانى ده‌توانێت له چه‌ند چركه‌يه‌كدا ئه‌و پرسه يه‌كلا بكاته‌وه و كانديدى كورد بۆ وه‌رگرتنى ئه‌و پۆسته ديار بكات.
ئ.ر