سەرۆك بارزانی بە بۆنەی "چارشهمما سۆر" پيرۆزبايى له ئێزيدييهكانى كوردستان و عێراق و جيهان دهكات
K24 – ههولێر:
سهرۆك مهسعود بارزانى، له پهيامێكدا كه به بۆنهى سهرى ساڵى ئاينى ئێزيدى(چارشەمما سۆر)، ئاراستهى كردووه، وێڕاى پيرۆزبايى له "خوشك و برا ئێزیدییەكانی كوردستان و عێراق و جیهان" رايگهياندووه، "هیوادارم جەژنی ئەمساڵی خوشك و برا ئێزیدییەكانمان لاپەڕەیەكی تازە بێت بۆ تێپەڕاندنی هەموو ناخۆشییەك و كۆتاییهاتنی ئێش و ئازارەكانیان و بتوانن لە سایەی سەقامگیری و برایەتیدا جەژن و بۆنە ئایینییەكانیان بگێڕن".
دهقى پهيامهكه
بەناوی خودای بەخشندە و میهرەبان
بەبۆنەی هاتنەوەی جەژنی سەری ساڵی ئایینیی ئێزیدی چارشەمما سۆر گەرمترین پیرۆزبایی خۆم ئاراستەی خوشك و برا ئێزیدییەكانی كوردستان و عێراق و هەموو جیهان دەكەم. هیوادارم جەژنی ئەمساڵی خوشك و برا ئێزیدییەكانمان لاپەڕەیەكی تازە بێت بۆ تێپەڕاندنی هەموو ناخۆشییەك و كۆتاییهاتنی ئێش و ئازارەكانیان و بتوانن لە سایەی سەقامگیری و برایەتیدا جەژن و بۆنە ئایینییەكانیان بگێڕن.
جەژنی چارشەمما سۆر لە هەموو خوشك و برایانی ئێزیدیمان پیرۆز بێت و بمێنن بە خێر و خۆشی.
مسعود بارزانی
17ـی 4ـی 2018