ئه‌مشه‌و كلاسیكۆی دۆستانه‌ به‌ڕێوه‌ ده‌چێت

به‌رازیل به‌بێ ئه‌ستێره‌یه‌كی دیاری یارییه‌كه‌ی ئه‌مشه‌و ئه‌نجام ده‌دات

 بڕازیل كه‌ یه‌كه‌م هه‌ڵبژارده‌ بوو گه‌یشتنی به‌ مۆندیالی رووسیا مسۆگه‌ر كرد، له‌ دووه‌م یاری ئاماده‌كاریدا رووبه‌ڕووی ئینگڵاند ده‌بێته‌وه‌.

بڕیاره‌ ئه‌مشه‌و له‌ كاتژمێر 11:00ـی شه‌و به‌ كاتی هه‌ولێر له‌ یاریگه‌ی وێمبلی له‌ له‌نده‌ن، هه‌ڵبژارده‌ی ئینگلاند له‌ نێوخاكی خۆی میوانداریی هه‌ڵبژارده‌ی به‌ڕازیل بكات.

سه‌ماكاره‌كانی به‌رازیل، له‌ژێر سه‌ركردایه‌تی تیتی راهێنه‌ر به‌ ساته‌ مێژووییه‌كانی تێپه‌ڕ ده‌بێت و له‌و كاته‌وه‌ی ئه‌و راهێنه‌ره‌ی هه‌یه‌ له‌ كۆی 16 یاریدا 13 سه‌ركه‌وتنی به‌ده‌ستهێناوه‌.

تیتی دوای دۆنگا له‌ یۆلیۆی2016  بووه‌ راهێنه‌ر و توانی بڕازیل ببوژێنته‌وه‌ كه‌ له‌ كۆپا ئه‌مریكی سه‌ده‌ بۆ یه‌كه‌مجار له‌وه‌ته‌ی ساڵی 1987 له‌ قۆناخی كۆمه‌ڵه‌كان دوورخرایه‌وه‌.

بڕازیل ئه‌م یارییه‌ به‌بێ نێیمار و ویلیان ئه‌نجام ده‌دات و كۆتینۆش كه‌ له‌ یاری رابردوو به‌رامبه‌ر ژاپۆن ئاماده‌ نه‌بوو، بۆ ئه‌م یارییه‌ بانگهێشتكراوه‌.

پێكهاته‌ی هه‌ڵبژارده‌ی ئینگلاند له‌ یۆرۆی 2016
پێكهاته‌ی هه‌ڵبژارده‌ی ئینگلاند له‌ یۆرۆی 2016