بارانبارین دەست پێدەكاتەوە
K24 - ھەولێر
شەپۆلێكی دیكەی بارانبارین روو لە ھەرێمی كوردستان دەكات و لە چەند ناوچەیەك بەفر دەبێت.
بەڕێوەبەرایەتی كەشناسی و بومەلەرزەزانی ھەرێمی كوردستان لە راگەیەندراوێكدا ئاشكرای كرد، ھەرێمی كوردستان دەكەوێتە ژێر كاریگەری یەكگرتنی ھەردوو نزمە پاڵەپەستۆی دەریای سپی ناوەڕاست و دەریای سوور، لە رۆژی پێنجشەممە 22/11/2018 كاریگەری ئەو شەپۆلە دەست پێدەكات.
كەشناسی راشیگەیاندووە، ئەو شەپۆلە بارانبارینە تا رۆژی دووشەممە 26/11/2018 بەردەوام دەبێت و پێشبینی دەكرێت بارانبارین سەرتاسەری ھەرێمی كوردستان بگرێتەوە و ھەندێك جار ھەورەتریشقەی لەگەڵ دەبێت، ھەروەھا لە ناوچە شاخاوییە سنوورییەكان بەفر دەبێت.
بەگوێرەی پێشبینیەكانی كەشناسی پلەكانی گەرما دادەبەزێ بۆ 2 تا 4 پلەی سیلیزی.