باکووری کوردستان دوو په‌رله‌مانتاری دیكه‌ی هه‌ده‌په‌ زیندانی ده‌كرێن

دوو په‌رله‌مانتاری دیكه‌ی هه‌ده‌په‌ زیندانی ده‌كرێن

K24 – هه‌وڵیر

دادگایه‌كی توركیا له‌ باكووری كوردستان بڕیاری به‌ زۆر هێنانی دوو په‌رله‌مانتاری هه‌ده‌په‌ بۆ به‌رده‌م دادوه‌ر ده‌ركرد.

دووه‌مین دادگای سزای قورس له‌ شاری وان بڕیاریدا هه‌ردوو په‌رله‌مانتاری هه‌ده‌په‌، له‌زگین بۆتان و ئاده‌م گه‌ڤه‌ری به‌ زۆر بۆ به‌رده‌م دادگا بهێنرێن كه‌ تۆمه‌تبارن به‌ "تیكدانی په‌كپارچه‌یی ده‌وڵه‌ت و وڵات"، "پروپاگه‌نده‌ بۆ تیرۆر" و "ئه‌ندامه‌تی له‌ رێكخراو".

له‌ سكاڵانامه‌ی دژی هه‌ردوو په‌رله‌مانتاری هه‌ده‌په‌ داوای "زیندانیكردنی هه‌تاهه‌تایی" و 35 ساڵ زیندانیكردن كراوه‌.

بڕیاری دادگای وان لە كاتێك دایە ھاوسەرۆكەكانی ھەدەپە سەڵاحەدین دەمیرتاش و فیگەن یوكسەكداغ و ھەشت پەرلەمانتاری دیكەی ئەو حزبە و چەندین ھاوشارەدارییەكانی باكووری كوردستان لە وانە ئەحمەد تورك، گولتان كشاناك و بەكر كایا لە زیندان دان.

9. sidebar1_home_page