باشووری کوردستان رۆمیۆ ھەكاری: پەیامی بارزانی پەیامێكی پڕ بایەخە

رۆمیۆ ھەكاری: پەیامی بارزانی پەیامێكی پڕ بایەخە

K24 - ھەولێر

لە میانی بەشداریكردنی لە ژووری ھەواڵی كوردستان24، رۆمیۆ ھەكاری سكرتێری پارتی دیموكراتی بێت نەھرێن رایگەیاند: "پەیامی سەرۆكی ھەرێمی كوردستان پەیامێكی پڕبایەخە، دەبێ ھەموو لایەنەكان بە ھەندی وەربگرین و دەبێ ھەموو لایەنە سیاسییەكان پێكەوە كۆببنەوە و خاڵەكانی پەیامەكە بخرێنە بواری گفتوگۆ لەسەر كردن، بۆ ئەوەی ئەنجامێكی باشی لێ بكەوێتەوە".

لەبارەی بۆچوونی ئەوان لەبارەی سیستمی حوكمڕانی لە ھەرێمی كوردستان گوتی: "ئێمە پێمانوایە دەبێ ھەموو لایەنەكان بەشداری لە حكوومەت بكەن، بەتایبەتی نوێنەری پێكھاتە جیاوازەكان".

گوتیشی: "دەبێ گۆڕانكاری لە سەرۆكایەتی پەرلەمان بكرێت، چونكە كێشەكان لەوێوە دروستبوون و چوونە دەرەوە، لەبەر ئەوە دەبێ گۆڕانكاری لە سەرۆكایەتی پەرلەمان بكرێت و كارا بكرێتەوە تا بتوانرێت لەوێشەوە رێگەچارەیەك بۆ كێشەكان بدۆزرێتەوە".

11-SideBarNewsReader