ئێران: ئەمریكا لەگەڵ سەربەخۆیی كوردستانە
K24 - ھەولێر
وتەبێژی لیژنەی ئاسایشی نەتەوەیی و سیاسەتی دەرەوەی پەرلەمانی ئێران دەڵێت، ئەمریكا بە كردەوە پشتیوانی لە سەربەخۆیی ھەرێمی كوردستان دەكات.
حوسێن نەقەوی، وتەبێژی لیژنەی ئاسایشی نەتەوەیی و سیاسەتی دەرەوەی پەرلەمانی ئێران، بە ماڵپەڕی فەرمی پەرلەمانی ئێرانی راگەیاندووە، واشنتۆن بە كردەوە پشتیوانی لە جیابوونەوەی ھەرێمی كوردستان لە عێراق دەكات و پاڵپشتی سەرەكی سەرخستنی پرۆسەی ریفراندۆمە لە كوردستان، بەڵام لە میدیاكاندا ئەو بابەتە پەردەپۆش دەكات.
ئەو ئەندامەی پەرلەمانی ئێران، ئەو ھەوڵانەی ئەمریكای بە دەستێوەردان لە كاروباری رۆژھەڵاتی ناوەڕاست ناوبرد و پشتیوانی وڵاتەكەشی بۆ پاراستنی یەكپارچەیی خاكی عێراق دووپاتكردەوە.