10 دەوڵەمەندترین خێزانەکانی جیهان بناسە
K24 – ههولێر:
تەنها لە 72 وڵات، دوو هەزار و 208 ملیاردێر هەن کە پێکەوە خاوەن 9 تریلیۆن و یەک ملیار دۆلارن.
بەڵام هەندێک لەم دەوڵەمەندانە پارەکەیان تەنها هی خۆیان نییە، بەڵکو بۆ خێزانەکانیان دەگەڕێتەوە چونکە ئەو بازرگانییەی دەیکەن، لەلایەن خێزانەکانیانەوە بەڕێوەدەبرێن و بۆ باب و باپیرانیان دەگەڕێتەوە.
سایتی بێزنس ئینسایدەر، 10 دەوڵەمەندترین خێزانی جیهان و پیشە و بڕی پارەکەیان ئاشکرا دەکات.
- خێزانی بۆهرینگەر و باومباخ
کاری دەرمانسازی دەکەن لە ئەڵمانیا و خاوەنی کۆمپانیایەکن کە تەمەنی 130 ساڵە. خاوەنی 42 ملیار و 200 ملیۆن دۆلارن.
- خێزانی کارگیل- ماکمیلان
گروپی کۆمپانیاکانی کارگیل لە جیهاندا کاری جیاوازی وەک بازرگانی کشتوکاڵی و وزە و پێشەسازی بیناسازی دەکەن و خەڵکی ئەمەریکان.
خاوەنی 42 ملیار و 300 ملیۆن دۆلارن.
- خێزانی کواندت
خاوەنی 50%ی کۆمپانیای بواری ئۆتۆمبێلی بی ئێم دەبلیو ن. جیا لەوەش کۆمپانیای تایبەت بە سۆفتوێر سکیورتییان هەیە.
خاوەنی 42.7 ملیار دۆلارن
- خێزانی ئەمبانی
خاوەنی گەورەترین زنجیرە پاڵاوگەی نەوتن لە هیندستان و چەندین بازرگانی جیاوازی دیکەشیان هەیە.
خاوەنی 43 ملیار و 300 ملیۆن دۆلارن.
- خێزانی وێرسێیمەر
سامانی ئەم خێزانە بۆ پییەر وێرسێیمەر دەگەڕێتەوە کاتێک لە ساڵی 1920 بۆنی ناوداری کۆکۆ شانێڵی لە پاریس بەرهەم هێنا.
ئەو خێزانەش خاوەنی 45 ملیار و 600 ملیۆن دۆلارن.
- خێزانی دوماس
خاوەنی کۆمپانیای هێرمیسن کە مێژووەکەی بۆ ساڵی 1800 دەگەڕێتەوە.
هێرمیس کەلوپەلی جوانکاری گرانبەهای وەک جانتا و کاتژمێر دەفرۆشێت.
خاوەنی 49 ملیار و 200 ملیۆن دۆلارن.
- خێزانەکانی ڤان دامێ ، سپۆیلبێرخ و دێ مێڤیۆس
ئەو سێ خێزانە بەلجیکییە خاوەنی کۆمپانیای (ئانهایزەر – بوش ئاینبیڤ)ن کە کاریان بەرهەمێنانی بیرەی تایبەتی خۆیانە.
خاوەنی 54 ملیار و 100 ملیۆن دۆلارن.
- خێزانی مارس
شۆکۆلات، خواردن، خواردنەوەی جیاواز بەرهەم دەهێنن و گشتیان براندی ناودارن. ئەم خێزانە خەڵکی وڵاتی ئەمەریکان.
خاوەنی 89 ملیار و 700 ملیۆن دۆلارن
- خێزانی کۆچ
هەردوو برا چارلس و دەیڤد کۆچ سوودیان لە کۆمپانیای پاڵاوتنی نەوتی باوکیان وەرگرت و بازرگانییەکەیان گەورەکرد، ئێستا لە بوارەکانی نەوت، پاڵاوتن و بەرهەمە کیمیایەکان کار دەکەن.
خاوەنی 98 ملیار و 700 ملیۆن دۆلارن
- خێزانی واڵتۆن
سام و بود کۆمپانیای واڵمارتیان لە ساڵی 1962 دامەزراند. دواتر زنجیرە مارکێتەکانی واڵمارت بووە براندێکی جیهانی و لەلایەن خێزانی واڵمارت بەڕێوەدەبردرێن.
خاوەنی 151 ملیار و 500 ملیۆن دۆلارن.
H.J