یەكێتی ئەنجامدانی ریفراندۆم و كاراكردنەوەی پەرلەمان تاوتوێ دەكات
K24 - ھەولێر
بڕیارە ئەمڕۆ ئەنجوومەنی سەركردایەتی یەكێتی نیشتمانی كوردستان بۆ گفتوگۆكردن لەبارەی ئەنجامدانی ریفراندۆم بۆ سەربەخۆیی كوردستان و كاراكردنەوەی پەرلەمانی كوردستان كۆببێتەوە.
رۆژی پێنجشەمەی رابردوو ئەنجوومەنی سەركردایەتی یەكێتی كۆبووەوە، بەڵام لە كۆبوونەوەكەدا ھیچ بڕیار و پێشنیازی نوێی حزبەكە رانەگەیەندرا، ئەمڕۆش جارێكی دیكە سەركردایەتی یەكێتی گفتوگۆ لەسەر ئەنجامدانی ریفراندۆم و كاراكردنەوەی پەرلەمان و چەند پرسێكی دیكەی نێوخۆ دەكات.
كۆبوونەوەكانی سەركردایەتی یەكێتی دوای ئەوە دێت، لە 13 ئەم مانگە لە كۆبوونەوەی مەكتەبی سیاسی پارتی و یەكێتی لە ھەولێر پێشنیازی نوێ بۆ كاراكردنەوەی پەرلەمان خرایەڕوو، دواتریش پێشنیازەكە لەلایەن بزووتنەوەی گۆڕان و كۆمەڵی ئیسلامی رەتكرایەوە.