22 پەنابەر لەناو بارھەڵگرێك گیانیان لەدەستدا
K24 - ھەولێر
لە توركیا بارھەڵگرێك وەرگەڕا و 22 پەنابەر كە لەناو بارھەڵگرەكە دابوون گیانیان لەدەستداوە.
ئاژانسی ھەواڵی ئەنادۆڵ رایگەیاند: "لە شارۆچکەی مەندەرەسی سەر بە پارێزگای ئیزمیری توركیا، بارهەڵگرێك وەرگەڕا کە کۆچبەری نایاسایی هەڵگرتبوو".
بەپێی زانیارییە سەرەتاییەكانی كە لە میدیاكانی توركیا بڵاوكراوەتەوە: "22 پەنابەر گیانیان لەدەستداوە".
ئەنادۆڵ ئەوەی خستووەتەڕوو: "بارهەڵگرەکە لە ئایدنەوە بەرەو ئیزمیر رۆیشتووە و لە شارۆچکەی مەندەرەس شۆفێرەکەی کۆنترۆڵی لەدەستداوە و وەرگەڕاوە".
ئاماژە بەوەشكرا: "لەدوای ئەوەی ئەو کەسانەی لە ناوچەکە بوون، هەواڵیان داوەتە لایەنە پەیوەندییدارەکان، ژمارەیەکی زۆر لە تیمەکانی پۆلیس، تەندروستی و ئاگرکوژێنەوە رەوانەی ناوچەکە کراون".
ھ.م