دوای 12 ساڵ ناوبژیوان باس له رووداوهكهی نێوان زیدان و ماتێرازی دهكات
هۆراسیۆ ئیلیزۆندۆ ناوبژیوانی یاریی فایناڵی مۆندیالی2006 له نێوان فرهنسا و ئیتاڵیا، بۆ یهكهمجار دوای 12 ساڵ باسی رووداوهكهی نێوان زیدان و ماتێرازی دهكات.
هۆراسیۆ له چاوپێكهوتنێكدا دهڵێت: له كاتی یارییهكه بینیم ماتێرازی لهسهر زهوی كهوتووه و سێ تا چوار مهتر لێمهوه دوور بوو.
ناوبژیوانه ئارجێنتینیهكه دهشڵێت: بۆ دڵنیابوون له رووداوهكه چوومه لای یاریدهدهرهكانم، بۆ ئهوهی بزانم چی روویداوه، بهڵام ههردوو یاریدهدهرهكه بێ ئاگابوون و رووداوهكهیان نهبینیوه.
ناوبراو دهشڵێت: ئهمجاره چوومه لای ناوبژیوانی چوارهم و ئهو پێی گوتم كه زیدان زۆر بهخراپی لێدانێكی سهری ترسناكی له ماتێرازی داوه.
هۆراسیۆ: دهڵێت دوای بینین و بیستنی رووداوهكه بهبێ دوو دڵی بهرهو زیدان رۆیشتم و كارتی سوورم بهروویدا بهرز كردهوه.