به فه‌رمانی سه‌رۆكی حكومه‌تی هه‌رێمی كوردستان به‌رده‌وامی به مینحه‌ی ئه‌و زیندانییه سیاسییانه ده‌درێت كه مووچه‌ی دیكه‌یان له حكومه‌ت نییه
K24 – هه‌ولێر:
مەسرور بارزانی، سه‌رۆكی حكومه‌تی هه‌رێمی كوردستان، بڕیاری بەردەوامی منحەی ئەو زیندانییە سیاسیانەی دا، کە ماوەی (10) ساڵی منحەیان تەواو بووە و ھیچ مووچەیەکی دیكه‌یان لە حکومەت نییە.
بەرەڤان حەمدی، بریکاری وەزارەتی کاروباری شەھیدان و ئەنفالکراوان، بە کوردستان24ی راگەیاند، بەفەرمانی مه‌سرور بارزانی، سەرۆکی حکومەتی هەرێمی کوردستان بە لەبەرچاوگرتنی بژێوی ژیانی زیندانیانی سیاسی کە ماوەی 10 ساڵی منحەیان تەواو بووە، بڕیاری بەردەوامی منحەی ئەو زیندانییە سیاسیانە درا، کە هیچ مووچەیه‌کی دیكه‌یان لە خەزێنەی حکومەت نییە، پاش پرۆسەی پاکتاوی لیستەکانیان بەپێی یاسای چاکسازی ژمارە 2ـی ساڵی 2020 لایەنە پەیوەندیدارەکان بەکاری پێویست هەڵدەستن.