لە دوو پەیوەندی تەلەفۆنیدا: سەرۆکی حکومەتی هەرێمی کوردستان سەرەخۆشی لە بنەماڵەی هەردوو شەهید سورکێو حەمە رەشید و ئیسماعیل فارس رەسووڵ دەکات

K24 – هه‌ولێر:

ئێوارەی ئەمڕۆ چوارشەممە 2020/4/8 مەسرور بارزانی سەرۆکی حکومەتی هەرێمی کوردستان لە رێگەی پەیوەندی تەلەفۆنیەوە. بەجیا پرسە و سەرەخۆشی لە بنەماڵەی هەردوو شەهید سورکێو حەمە ڕەشید و ئیسماعیل فارس رەسوول کرد کە دوێنێ شەو لە هێرشی تیرۆریستانی داعش بۆ سەر شارۆچکەی کوڵەجۆ شەهید بوون.

سەرۆکی حکومەت سەرەخۆشی لە هەردوو بنەماڵەکە کرد و هاوخەمی خۆی دەربڕی و ستایشی قارەمانێتی هەردوو پێشمەرگەی شەهیدی کرد لە رووبەڕووبوونەوەی تیرۆریستاندا.