پارتی گفتوگۆكانی بۆ پێكھێنانی حكوومەت دەستپێكرد
K24 - سلێمانی
ئەمڕۆ شاندێكی پارتی دیموكراتی كوردستان بۆ گفتوگۆكردن لەبارەی پێكھێانی حكوومەت لەگەڵ لایەنەكان گەیشتە سلێمانی و لە دەستپێكدا لەگەڵ شاندێكی یەكێتی كۆبوونەوە.
پەیامنێری كوردستان24 لە سلێمانی رایگەیاند: "كەمێك لەمەوبەر كۆبوونەوەی شاندی پارتی و یەكێتی لە بارەگای مەكتەبی سیاسی یەكێتی لە سلێمانی دەستیپێكرد".
گوتیشی: "بڕیارە دوای یەكێتی شاندی پارتی سەردانی مەكۆی سەرەكی گۆڕان لە گردی زەرگەتە بكات و لەگەڵ شاندێكی ئەو حزبە كۆببێتەوە".
لەبارەی داواكانی یەكێتی بۆ وەرگرتنی پۆست لە كابینەی نوێی حكوومەتی ھەرێمی كوردستان، لەتیف نێروەیی، وتەبێژی ئەنجوومەنی ناوەندی یەكێتی بە كوردستان24 راگەیاند: "یەكێتی بە فەرمی رایگەیاندووە، كە داوای پۆستی سەرۆكی پەرلەمان و جێگری سەرۆكی حكوومەت دەكات".
شاندی پارتی دیموكراتی كوردستان كە پێكدێت لە ئازاد بەرواری، جەعفەر ئیمینكی، مەحموود محەمەد، ھێمن ھەورامی و ئومێد سەباح، بڕیارە لە رۆژانی داھاتوودا گفتوگۆ لەگەڵ لایەنەكانی دیكەش بكەن.
ھ.م